Hindi masukat ni Seph ang kanyang kasiyahan nang maipasa niya ang Sacred Cross Ordeal. Isa ito sa pinapangarap niya. Dahil lumaki sa Lower Division, nangako siya sa sarili niya at sa kanyang ina na si Marea na iaahon niya ang kanilang pamilya mula sa kahirapan. At para magawa iyon, kailangan niyang pumasok sa Sacred Cross Academy at magtapos. Ang pagtapos sa tatlong-taon na pag-aaral sa akademiya ay isang karangalan. At hindi lang iyan, marami ding mga oportunidad ang naghihintay.
Bilang Scholar sa nasabing akademiya, hindi napigilan ni Seph na mamangha at bumilib. May mga kaibigan siyang makikilala, gayundin ang mga kaaway. 
Pero hindi lang ito ang natuklasan niya. Dahil sa kalahating buwan niyang panunuluyan sa loob ng Inner Circle, nalaman niya ang tinatagong sekreto ng Ministry mula sa kanila. Isang sekreto na hindi nila lubos maisip at inasahan. Isang sekreto na siyang babago sa mundo na tinatapakan nila.